OQO-da múgedek balany zorlaǵan jasóspirim 11 jylǵa sottaldy
ShYMKENT. QazAqparat - Ońtústik Qazaqstan oblysynda múgedek balany zorlaǵan jasóspirimge qatysty sot úkimi shyqty. Oblystyq qylmystyq ister jónindegi mamandandyrylǵan aýdanaralyq soty 17 jastaǵy aıyptalýshyny 11 jylǵa sottady, dep habarlaıdy QazAqparat tilshisi.
Atalǵan sottyń úılestirýshi-sýdıasy Ábınur Qarabaevtyń aıtýynsha, qylmystyq oqıǵa ótken jyldyń 17 qazany kúni bolǵan. 2001 jyly týǵan sottalýshy sol kúni úıine ishimdik iship, mas bolyp kelgen. Tipti joǵary qabattaǵy páterine de kóterile almaǵan. Sol kezde 14 jastaǵy jábirlenýshi jetkinshek oǵan kómektesip, úıine kirgizip jibergen. Osyny paıdalanǵan jasóspirim múgedek balany pyshaqpen qorqytyp, zorlaǵan. Ertesine jábirlenýshi bolǵan oqıǵany ata-anasyna aıtqan.
Sotta aıyptalýshy kinásin tolyq moıyndamaǵanymen, sot-medıtsınalyq saraptama qortyndysymen balanyń zorlanǵany dáleldendi. Endi 17 jastaǵy jasóspirim 11 jyl 3 aı merzimin qatań tártiptegi túrmede ótkizetin boldy.
Bul úkimdi oblystyq sottyń qylmystyq ister jónindegi apellıatsııalyq alqasy kúshinde qaldyrdy.
