OQO-da muǵalim kelinshek sýǵa batqan balany qutqaryp qaldy
ShYMKENT. QazAqparat - Ońtústik Qazaqstan oblysynda muǵalim kelinshek sýǵa batqan balany qutqaryp qaldy. Bul týraly Maqtaral aýdandyq tótenshe jaǵdaılar bóliminiń qyzmetkerleri málimdedi.
Mamandardyń sózinshe, úsh jasar búldirshin aýyl shetindegi kanalǵa batyp bara jatqan, dep habarlaıdy «QazAqparat HAA tilshisi.
Oqıǵa Maqtaral aýdanyndaǵy Keńesshil eldi mekeninde oryn alǵan. Osy kúni aýyldaǵy orta mektepte muǵalimder arasynda sporttyq jarys ótedi. Saıystan qaıtyp kele jatqan Aıgúl Tursynqulova kanaldyń jaǵasynda sýǵa batyp bara jatqan búldirshindi baıqap qalady. Ol sol sátte oılanbastan ústindegi kıimimen sýǵa túsip ketipti. Sóıtip, sýǵa tunshyqqan úsh jasar Ábdisálipti syrtqa alyp shyǵady. Oınap júrip sýǵa batyp kete jazdaǵan bala muǵalim kelinshektiń arqasynda aman qaldy. Muǵalim kelinshek te úsh balanyń anasy eken. Sondyqtan balany kórgende oılanbastan sýǵa sekirip ketkenin aıtady. «Meniń ornymdaǵy kez kelgen adam solaı jasar edi»,- deıdi Aıgúldiń ózi. Qazir búldirshinniń jaǵdaıy qalypty. Onyń ata-analary men sol aýyldyń turǵyndary bolsa balany ajaldan aman alyp qalǵan ustazǵa rızashylyqtaryn bildirdi.
