OQO-da monshada soqqyǵa jyǵylǵan 50 jastaǵy er azamat aýrýhanaǵa tústi
ShYMKENT. QazAqparat - Ońtústik Qazaqstan oblysynda monsha qyzmetkeriniń úsh uly qyzylordalyq turǵyndy uryp tastaǵan. Jaraqat alǵan azamat aýdandyq aýrýhanaǵa jatqyzyldy, dep habarlaıdy QazAqparat tilshisi.
Keleńsiz jaǵdaı Saryaǵash aýdanynda bolǵan. Oblystyq ІІD baspasóz qyzmetiniń málimetinshe, qyzylordalyq turǵyn monshadaǵy áıelmen janjaldasyp qalǵan.
«Tergeý barysynda 50 jastaǵy er azamattyń monsha qyzmetkerimen ózara janjal týyndaǵany belgili boldy. Ol áıelge kómektesýge onyń úsh uly kelip, klıentti uryp-soǵyp, 170 myń teńgesin alyp qoıǵan. Jedel-izdestirý is-sharalarynyń nátıjesinde kúdikti retinde 1980, 1982 jáne 1992 jyly týǵan jergilikti turǵyndar ustaldy» delingen OQO ІІD baspasóz qyzmeti taratqan habarlamada.
Qazirgi tańda osy jáıt boıynsha qylmystyq is qozǵalyp, sotqa deıingi tergeý amaldary júrip jatyr. Tonaý qylmysy boıynsha aıyptaý aktisi Saryaǵash aýdandyq sotyna joldandy.
