OQO-da modýldi quramaly 20 medıtsınalyq pýnkt paıdalanýǵa berildi
ShYMKENT. QazAqparat - Búgin Ońtústik Qazaqstan oblysynda elimizde alǵash bolyp qolǵa alynǵan modýldi quramaly 20 medıtsınalyq pýnkt paıdalanýǵa berildi. Shalǵaı eldi mekenderge tıimdi bul medıtsınalyq tirektiń bir ereksheligi onyń qurylysynyń 2 aıda aıaqtalyp, bıýdjet qarajatynynyń tıimdi jumsalýynda bolyp otyr, dep habarlaıdy QazAqparat tilshisi.
Osyndaı qurastyrmaly modýldik konstrýktsııa ádisimen salynǵan densaýlyq saqtaý nysany Saıram aýdanynyń eki eldi mekeninde tapsyryldy. Budan bólek, osy kúni Báıdibek aýdanynda -3, Túlkibas aýdanynda - 2 jáne Saryaǵash óńirinde 13 medıtsınalyq tirek paıdalanýǵa berildi. Onyń ashylý saltanatyna qatysqan Ońtústik Qazaqstan oblysynyń ákimi Janseıit Túımebaev halyqtyń densaýlyǵyn saqtaý - memleket úshin asa mańyzdy másele ekendigin aıtty.
«Basty qujatta Memleket basshysy tıimdiligi az jáne memleket úshin shyǵyny kóp dıspanserlik em qoldanýdan negizgi sozylmaly aýrýlarǵa alystan dıagnostıka jasap, sondaı-aq osy salany ambýlatorııalyq emdeý arqyly basqarýǵa kóshý qajet ekenin atap ótken bolatyn. ıAǵnı, medıtsına mekemeleri ozyq medıtsınalyq qural jabdyqtarymen qamtamasyz etilip, dárigerler halyqqa sapaly qyzmet kórsetýi tıis. Modýldik konstrýktsııany qurastyrý tásili ýaqytty jáne bıýdjet qarajatyn tıimdi jumsaýǵa oń áserin tıgizedi. Osyndaı medıtsınalyq tirekte naýqastarǵa birinshi medıtsınalyq sanıtarlyq kómek kórsetiletin bolady»,-dedi ákim.
Aıta keteıik, Saıram aýdanyna aǵymdaǵy jyly osy úlgidegi 5 medıtsınalyq tirek satyp alynyp, aýdannyń densaýlyq saqtaý nysanyna degen máselesin 100 paıyzǵa sheshý josparǵa qoıylyp otyr. Sondaı-aq, Aqsýkent aýylynda aýysymyna 500 kelýshige arnalǵan emhana qurylysy salynýda. Budan bólek, aýdanǵa kompıýterlik tomograf satyp alynyp, ınsýlt ortalyǵyn ashý josparlanyp otyr.
Jalpy oblysta jyl sońyna deıin modýldi quramaly taǵy 47 medıtsınalyq pýnkt tapsyrlatyn bolady. Alańy 125 sharshy metrdi quraıtyn, medıtsınalyq quraldarmen jabdyqtalǵan modýldik konstrýktsııanyń quny 30 mln.teńge.
