OQO-da meshit qyzmetkerleri 200-den asa balany bastan-aıaq kıindirdi
ShYMKENT. QazAqparat - Ońtústik Qazaqstan oblysy, Kentaý qalasynda din qyzmetkerleri «Mektepke jol» aktsııasy aıasynda qaıyrymdylyq sharasyn ótkizdi. Ortalyq meshit bilim bólimimen birlesip, 226 balany bastan-aıaq kıindirdi, dep habarlaıdy «QazAqparat» HAA tilshisi.
Kenshiler qalasynda ótken aktsııaǵa az qamtylǵan jáne ata-ana qamqorlyǵynsyz qalǵan balalar shaqyryldy. Olarǵa mektepke qajetti oqý qraldary men kıim-keshekter tabys etildi.
Aıta keteıik, atalǵan meshittiń din qyzmetkerleri jyl basynan beri 150 otbasyny áleýmettik turǵyda demegen. Azyq-túliginen bastap, kúndelikti tutyný buıymdarymen de qamtyǵan. Meshittiń ımamy mundaı qaıyrymdylyq sharalary aldaǵy ýaqytta da jalǵasyn tabady dep otyr.
