OQO-da «Meniń Qazaqstanym» án baıqaýy bastaldy

ShYMKENT. QazAqparat - Ońtústik Qazaqstan oblysynda Shámshi Qaldaıaqov atyndaǵy «Meniń Qazaqstanym» án baıqaýy bastaldy. Jyl saıyn dástúrli túrde uıymdastyrylatyn óner saıysynda bıyl 90-ǵa tarta úmitker baǵyn synaýda, dep habarlaıdy QazAqparat HAA tilshisi.

15 pen 25 jas aralyǵyndaǵy talanttar qazaq valsiniń koroli Shámshiniń ánderin, sondaı-aq týǵan jer týraly jáne «Túrkistan - túrki áleminiń mádenı astanasy» jobasyn da án-jyrǵa arqaý etýde.

 

Uıymdastyrýshylardyń sózinshe bıylǵy erekshelik shara - Elbasynyń «Týǵan jer» baǵdarlamasy aıasynda ótkizilýi bolyp otyr. Osyǵan oraı, irikteýden ótken jeńimpazdarǵa arnalǵan gala-kontsertti shalǵaıdaǵy Sozaq aýdanynyń ortalyǵynda uıymdastyrý josparlanǵan.

 

Aıta keteıik, óner saıysynyń alǵashqy kúni 7 ónerpaz erekshe kózge túsip, aqtyq saıysqa ótti. Olar endi teriskeı tórinde án shyrqaıtyn bolady.