OQO-da memlekettik-jekemenshik áriptestik aıasynda 30 nysan salynady
ShYMKENT. QazAqparat - Ońtústik Qazaqstan oblysynda memlekettik-jekemenshik áriptestik tetigi arqyly 30 joba júzege asyrylmaq.
Búginge deıin onyń 6-aýy boıynsha áriptester anyqtalsa, qalǵan 24 joba aıasynda tıisti qujattar ázirlenýde, dep habarlaıdy QazAqparat HAA tilshisi.
Jobalardyń basym bóligi bilim salasyna qatysty. Máselen, 17 jobanyń 11 -balabaqsha, 2 - saýyqtyrý lageri, 1- mektep, 1- mektep-ınternat, 1- týrıster stansasy bolsa, taǵy 1-i óner mektebi. Al medıtsına salasynda 5 emhana men 7 sport keshenin salý, sondaı-aq «Shymkent qalasyndaǵy jedel járdem stansasyn jańǵyrtý» jobalary bar.
Balabaqshalardyń basym bóligi, ıaǵnı 4 mektepke deıingi mekeme Saıram aýdanynda boı kóterse, Túrkistan, Kentaý, Arys, Shymkent qalalary men Saryaǵash, Báıdibek, Otyrar, Túlkibas aýdandarynda da búldirshinderge arnalǵan 75, 100, 240, 280, 320 oryndyq balabaqshalar salynatyny kútilýde.
Sport nysandary Tólebı (2), Shymkent (2), Báıdibek (2) jáne Túlkibas (1) aýdandarynda paıdalanýǵa beriletini josparlanýda. Al emhanalar qurylysy Maqtaaral, Saıram aýdandary men Kentaý jáne Shymkent shaharynda júrgizilmek.
