OQO-da memlekettik qyzmettegi bos oryndar jármeńkesi ótti
ShYMKENT. QazAqparat - Ońtústik Qazaqstan oblysynda memlekettik qyzmettegi bos oryndar jármeńkesi ótti. Memlekettik qyzmet isteri jáne sybaılas jemqorlyqqa qarsy is-qımyl departamentiniń uıytqy bolýymen ótken sharada 393 bos oryn usynyldy, dep habarlaıdy QazAqparat HAA tilshisi.
Búginde 3 mln-ǵa jýyq turǵyny bar ońtústik óńirinde 8700 memlekettik qyzmetker bar. Bos jumys oryndaryna arnalǵan jármeńke kadr quramyn tolyqtyrýǵa úlken múmkindik bolmaq. Jármeńkege oblystaǵy 23 jergilikti jáne 18 aýmaqtyq mekemelerdiń ókilderi qatysty. Jastarǵa ózderindegi jumys oryndary týraly maǵlumat berip, qoıylatyn talaptardy túsindirdi.
«Jastar osynda kelý arqyly qaı mekemede qandaı bos laýazym bar, sonymen tanysyp alýlaryna múmkindik bar. Al egerde ol laýazymǵa qol jetkizgisi kelse, arnaıy konkýrsqa qatysý kerek. Búgin búkil vakansııany biz ashyp berip otyrmyz»,- dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamentiniń basshysy Álı Kómekbaev. 
Aıta keteıik, óńirde memlekettik qyzmetke ornalasýshylar sany kún sanap artyp keledi. Al, qyzmetten óz betimen shyqqandar sany sońǵy 2 jylda 4 ese azaıypty.
