OQO-da memlekettik qyzmetshiler kóptegen zańbuzýshylyqtarǵa jol bergen
ShYMKENT. QazAqparat - Ońtústik Qazaqstan oblysynda memlekettik qyzmetshiler kóptegen zańbuzýshylyqtarǵa jol bergen. Bul kemshilikter oblysta qurylǵan arnaıy jumys tobynyń tekserý nátıjesinde anyqtaldy, dep habarlaıdy QazAqparat HAA tilshisi.
Túlkibas aýdanynyń 6 memlekettik organyna tekserý júrgizgen top músheleri qyzmet kórsetý merzimin saqtamaý nemese qyzmet kórsetýden bas tartý syndy 117 quqyqbuzýshylyqty anyqtaǵan. Al, saıramdyq memlekettik qyzmetshiler 948 quqyqbuzýshylyqqa jol bergen. Nátıjesinde qos aýdannyń 7 memlekettik qyzmetshisine tártiptik shara qoldanyldy.
Kemshilikter memlekettik qyzmet kórsetý salasyna jaýapty mamandardyń mardymsyz baqylaýynan oryn alǵan. Memlekettik qyzmetkerler qaǵazbastylyqtan áli de aryla almaı otyr. Halyqqa kórsetilgen qyzmettiń 4 paıyzy ǵana elektrondy túrde júrgizilgeni dáleldendi.
