OQO-da memlekettik qyzmetshiler biliktilikterin arttyrýda
ShYMKENT. QazAqparat - Ońtústik Qazaqstan oblysyndaǵy memlekettik qyzmetshilerdi qaıta daıarlaý jáne biliktiligin arttyrý ortalyǵynda 100-den astam qyzmetker bilimin jetildirip jatyr. Olardyń 40-y basshylyq laýazymǵa jańadan taǵaıyndalsa, ózgesi alty aı aralyǵynda jumysqa ornalasqandar, dep habarlaıdy QazAqparat tilshisi.
Ortalyq kýrsynda memlekettik qyzmetshiler ózderine artylǵan jaýapkershilik júgin sezinip, «100 naqty qadam» Ult jospary aıasyndaǵy mindetterimen tereń tanysýda. Qazaqstan zańnamalaryn tereń meńgerip, qyzmet etıkasyna qanyǵyp jatyr. Eki aptalyq oqý merziminde memlekettik qyzmetshilerdi jemqorlyq áreketinen alshaq ustaý qaǵıdattary da basshylyqqa alynady.
Aıta keterligi, tálim alýshylarǵa osyndaı mańyzdy oqýlardyń barlyǵy bir ortalyqta emes, ártúrli oryndarda sabaq retinde oqytylýda. Osyndaı semınardyń biri Qazaqstan halqy Assambleıasynyń oblystyq ǵımaratynda ótti. Onda jas memlekettik qyzmetkerlerge ultaralyq tatýlyqty saqtaý úshin qandaı máselelerge mán berý kerektigi de túsindirildi.
