OQO-da memlekettik qyzmet kórsetý salasynda 4 myńǵa jýyq quqyqbuzýshylyq anyqtaldy
ShYMKENT. QazAqparat - Ońtústik Qazaqstan oblysynda jyl basynan bergi 10 aıda memlekettik organ men qyzmet kórsetýshi mekemelerde 4 myńǵa jýyq quqyqbuzýshylyq anyqtalǵan. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departamenti basshysynyń orynbasary Aıbek Shilmanov málimdedi, dep habarlaıdy QazAqparat tilshisi.
Aıbek Shilmanovtyń sózinshe, zań talaptaryn saqtamaǵan qyzmetkerlerge 29 usynys joldanyp, 32-ne qatysty tártiptik jaza qoldanylǵan. Ákimshilik quqyqbuzýshylyq týraly Kodekstiń 465-shi babymen 12 hattama toltyrylǵan. Sonymen qatar, baspasóz máslıhatynda memlekettik qyzmet kórsetý salasynda atqarylyp jatqan jumystar da tanystyryldy. Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda aıtylǵan memlekettik qyzmetti barynsha ońtaılandyrý maqsatyndaǵy sharýalar júzege asyrylǵan.
«Aǵymdaǵy jyly atqarýshy organdar 16 mıllıonnan astam qyzmet kórsetken. Onyń ishinde elektrondyq qyzmet kórsetý túri ótken jylmen salystyrǵanda, 62 paıyzǵa artyp otyr. Qarapaıym azamattarǵa qolaıly jaǵdaı jasaý úshin memlekettik mekemelerge tekserý júrgizilip, qyzmet etıkasyn saqtamaǵan mamandar departament tarapynan synǵa alyndy»,- deıdi Aıbek Shilmanov.
