OQO-da mektepti 20 jyl buryn bitirgen túlekter jalǵyzbasty anaǵa baspana syılady

ShYMKENT. QazAqparat - Ońtústik Qazaqstan oblysy, Túlkibas aýdanynda turatyn 7 balasy bar jalǵyzbasty ana baspanaly boldy. Mundaı tosynsyıdy Turar Rysqulov aýylyndaǵy mektepti 20 jyl buryn bitirgen túlkibastyq túlekter jasady, dep habarlaıdy QazAqparat tilshisi.

Almagúl esimdi kelinshekke baspananyń kiltin tabystaý sáti Feısbýk áleýmettik jelisinde tarady. Onda 20 jyldyq kezdesýge jınalǵan túlekter ózderi jınaǵan qarjyǵa alynǵan úıdi kóp balaly anaǵa saltanatty túrde tabystaý sáti kórsetilgen.

Áleýmettik jeli qoldanýshylary túlekterdiń bul qaıyrymdy isine alǵystaryn bildirýde.

«Sender bir otbasyn qýanyshqa bólep, ıgilikti is jasap qoımaı, myna barsha elge ónege boldyńdar»,- degen tilikter jazyp qaldyrǵan.