OQO-da medıtsınalyq mekemelerden júıeli túrde para alyp kelgen qos sheneýnik sottaldy
ShYMKENT. QazAqparat - Ońtústik Qazaqstan oblysynda bas dárigerlerden júıeli túrde para alǵan qos sheneýnik sottaldy. Ál-Farabı aýdandyq soty oblystyń 60-tan astam medıtsınalyq mekemesiniń qyzmetkerlerinen júıeli túrde «qamqorlyǵy» úshin para alǵandardy bas bostandyqtarynan aıyrdy, -dep habarlaıdy QazAqparat HAA tilshisi.
Ál-Farabı aýdandyq sotynyń tóraǵasy Maratáli Beknazarov aıyptalýshy ári burynǵy oblystyń Medıtsınalyq qyzmetke aqy tóleý komıteti departamentiniń burynǵy orynbasary men bólim bastyǵyn 7 jáne 7,5 jylǵa sottady. Olar jazalaryn jalpy tártiptegi túrmede óteıtin boldy.
Іsti qaraǵan sot tóraǵasynyń sózinshe aıyptalýshylar paranyń óteýi retinde medıtsınalyq mekemelerdiń aı saıynǵy esep-qısaptaryn esh kedergisiz ótkizgen. Para kólemi bıýdjettik uıymǵa baılanysty 5 myń teńgeden 100 myń teńgege deıin jetken.
«Alǵashqy epızod boıynsha olar para alý maqsatynda medıtsınalyq mekemelerge habarlasyp, esep tapsyrý úshin Astanaǵa baratynyn aıtyp, paranyń kólemin astyrtyn sózdermen túsindirgen. Ekinshi jaǵdaı boıynsha olar oblysqa tekserýge revızor kelgenin syltaýratyp, onyń aqsha talap etip jatqanyn aıtypty. Tekserý aktisin tıisti talaptarǵa saı jazý úshin departament basshysynyń orynbasary aýrýhanalardan 1 000, emhanalar - 500 AQSh dollarynan jınaýdy tapsyrypty. Sotta aıyptalýshy aqshalardy rasymen jınap alǵanyn, barlyǵyn revızorǵa bermek bolǵanyn moıyndady. Dese de tekserýge kelgen revızordyń kinási dáleldenbegen. Oǵan qatysty qylmystyq is qysqartylǵan», - dedi M.Beknazarov.
Tergeý barysynda olardyń 12 myń AQSh dollaryn jınap alǵany anyqtaldy. Sondaı-aq aıyptalýshylardyń biri óz erkimen taǵy 793 000 teńge jáne 1 000 AQSh dollaryn ótkizgen. ıAǵnı, bul qarajattardy ol bólim bastyǵy men jekemenshik medıtsınalyq mekemelerdiń birinen alǵanyn túsindiripti. Al, aıyptalýshy bólim bastyǵy 67 medıtsınalyq mekemeden 10 myń men 30 myń teńge aralyǵynda, bas-aıaǵy 993 myń teńgeni jarty jyldyq esepti jabý úshin jınap alǵanyn moıyndaǵan. Alaıda bul qarajattardyń 793 myń teńgesin basshysyna berip, qalǵan 200 myń teńgesin bas paıdasyna jaratypty.
