OQO-da medıtsına mekemelerine qajetti qural-jabdyqtar alyndy
ShYMKENT. QazAqparat - Memleket tarapynan jasalynatyn qarjylaı qamqorlyqtan Tólebı aýdanynyń medıtsınasy da tys qalǵan joq, dep habarlaıdy aýdan ákimdiginiń baspasóz qyzmeti.
Atap aıtar bolsaq, 2010-2016 jyldar aralyǵynda aýyl emhanalaryna el qazynasynan 216 mıllıon 620 myń qarjy bólinip, qajetti qurylyǵylarmen qamtamasyz etildi. Al, kúrdeli jóndeý jumysyna 393 mıllıon teńge qarjy qarastyrylǵan. Alaıda, ol tólebılik dárigerlerdi túgeldeı derlik qanaǵattandyryp otyrǵan joq.
Bólingen qarjy áli de jetkiliksiz. Aýdan aýmaǵyndaǵy segiz ǵımarat medıtsınalyq standartqa saı bolmaı tur. Sol sebepten de aýyl dárigerleri qysylyp-qymtyrylyp jumys isteýge májbúr ekenin aıtady. Dál osyndaı kúrdeli jaǵdaı Keregetas, Kıeli tas, Qaratóbe eldimekenderinde oryn alǵan. Medıtsına mekemelerin qaıta salý qajet. Taýly aýdandaǵy taǵy bir problema - medıtsına mamandary tapshy.
Máselen, emhanaǵa qarasty 73 myń halyqqa jeti jedel járdem brıgadasy qyzmet kórsetýileri kerek. Alaıda munda tek tórt feldsherlik top bar. Bir quptarlyǵy, Tólebı aýdanynyń aq halatty abzal jandary jaǵdaı osylaı dep, qol qýsyryp qarap, otyrǵan joq. Qoldan keler áreketterin jasap, dárigerlerlik mindetin minsiz atqarýǵa tyrysyp baǵýda.
