OQO-da mashına eki balany qaǵyp ketti - TJM
ASTANA. Qańtardyń 29-y. QazAqparat - Ońtústik Qazaqstan oblysynda 24 jastaǵy jeńil kólik júrgizýshisi eki balany qaǵyp ketti,
dep habarlady QR TJM-nyń baspasóz qyzmetinen.
Máselen, beısenbi, qańtardyń 28-i kúni saǵat 13.30-da Saıram aýdany Martóbe aýylynyń ishki jolynda «Mazda» avtokóligi 7 jáne 8 jasar eki balany qaǵyp ketti. Alǵan jaraqattardan bir bala oqıǵa ornynda jan tásilim etti, ekinshisi aýrýhanaǵa jetkizildi.
Baspasóz qyzmetiniń habarlaýynsha, osy kúni sondaı-aq Almaty oblysy Talǵar qalasyndaǵy kóshelerdiń birinde «Leksýs» avtokóligin mingen 22 jastaǵy azamat aǵashqa soǵylyp, saldarynan ózi jáne eki jolaýshysy túrli jaraqattarmen aýrýhanaǵa jetkizilgen.
Al Jambyl oblysynyń Jambyl aýdany «Almaty-Tashkent» avtojolynyń 545-shi shaqyrymynda eki «Mersedes» kóligi tumsyq túıistirgen, jol-kólik oqıǵasynda 53 jastaǵy jolaýshy mert bolyp, júrgizýshilerdiń biri men tulǵasy anyqtalmaǵan taǵy bir jolserik aýrýhanaǵa tústi.
