OQO-da maqta terýge barǵan jasóspirim tunshyǵyp óldi
ShYMKENT. QazAqparat - Ońtústik Qazaqstan oblysynda maqta terýge barǵan jasóspirim tunshyǵyp qaldy. Qaıǵyly oqıǵa Ordabasy aýdanynyń Tórtkúl eldi mekeninde bolǵan. Bul týraly oblystyq TJD málimdedi, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetinshe, 16 jastaǵy jasóspirim 10 qazan kúni egis alqabyna maqta terýge barǵan. Jumystyń arasynda ol tirkemege tıelgen maqtanyń ústinde uıyqtap qalypty. Sol kezde ózge jumysshylar balany baıqamaı, ónimdi kombaınmen arbaǵa artqan. Saldarynan bala aýa jetpeı tunshyǵyp, maqtanyń ishinde kóz jumǵan. Qazir osy jaǵdaı boıynsha tekserý sharalary júrgizilýde.
