OQO-da «Qyzym, saǵan aıtam» atty syrlasý keshi ótti
ShYMKENT. QazAqparat - Ońtústik Qazaqstan oblysynda qyz-kelinshekterge arnalǵan «Qyzym, saǵan aıtam...» atty syrlasý keshi ótti. Ádet-ǵuryp jáne salt-dástúr ortalyǵynda uıymdastyrylǵan sharada boıjetkenderge halqymyzdyń ádet-ǵurpy men salt-dástúrleri, joralǵysy túsindirildi, dep habarlaıdy QazAqparat tilshisi.
Syrlasý keshi Elbasy N.Nazarbaevtyń «Bolashaqqa baǵdar: rýhanı jańǵyrý» maqalasy men «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy aıasynda uıymdastyryldy. Basqosýǵa joǵary oqý oryndarynyń stýdentteri men oqýshylary qatysty.
Olarǵa qalalyq emhananyń psıholog mamany men áıelder dárigeri, «Kórkem» ájeler tobynyń múshesi keńester berdi. Sondaı-aq dáriger sarapshy men zeınet jasyndaǵy el analary qatysyp, jas qyzdarmen syr suhbat ótkizdi.
Kezdesýde qazirgi qazaq qyzynyń tárbıesi men boıyndaǵy ulttyq qundylyqtardy oıatý, olardy otbasylyq ómirge tárbıeleý joldary men qazaq halqynyń salt-dástúrindegi kıbir máseleleri talqylandy. Halqymyzdyń ádet-ǵurpy men salt-dástúrlerin, jón-joralǵysy saqtalǵan ulttyq qundylyqtardy qyz balanyń boıynda qalyptastyrý jaıy sóz boldy. Kesh barysynda «Sarqylmas qazyna» telejobasy aıasynda túsirilgen qyz tárbıesine qatysty «Qyzdy oń bosaǵaǵa otyrǵyzý», «Qyz jasaýy» syndy beınerolıkter kórsetildi.
