OQO-da qyzmetin asyra paıdalanǵan 58 polıtseı jumystan shyǵaryldy
ShYMKENT. QazAqparat - Ońtústik Qazaqstan oblysynda memlekettik qyzmetkerlerler jumys kezinde ishimdik iship, kólik júrgizgen. Quqyq buzýshylyqqa jol bergen 58 polıtseı qyzmetinen shettetildi, dep habarlaıdy QazAqparat HAA tilshisi.
Memlekettik qyzmetkerlerdiń tártibi men ádebi qaralǵan alqaly jıynda osyndaı zańbuzýshylyq áreketter sóz boldy. Máselen, óńirde sońǵy 7 aıda jol erejesin buzǵany úshin 227 memlekettik qyzmetshige ákimshilik hattama toltyrylǵan. Onyń 13-i - mas kúıinde kólik tizgindegender ekeni anyqtaldy. 10 adam jumys ýaqytynda ishimdik iship, rýlge otyrǵan bolyp shyqty.
Al, jyl basynan beri 370 polıtsııa qyzmetkerine qatysty quqyq buzýshylyq anyqtalǵan. 88-ine eskertý berilgenimen, jaǵdaı ońalmapty. Polıtseılerdiń kóligine qatysty 22 jol kólik oqıǵasy tirkelse, sonyń 2-inde tártip saqshylary kináli ekeni anyqtalǵan. Al, jýyrda ǵana Shymkenttiń irgesindegi Mártóbe eldi-mekeninde bir polıtseı joldan ótpek bolǵan bir otbasy múshelerin qaǵyp ketip, otaǵasy oqıǵa ornynda mert bolǵan. Onyń áıeli men balasy aýyr halde aýrýhanaǵa túsken bolatyn.
