OQO-da qyrym qandy bezgeginen eki adam qaıtys boldy
ShYMKENT. QazAqparat - Ońtústik Qazaqstan oblysynda qyrym qandy bezgeginen bir jasóspirim men bir áıel qaıtys boldy. Bul týraly oblystyq densaýlyq saqtaý basqarmasynyń baspasóz qyzmeti málimdedi, dep habarlaıdy QazAqparat HAA tilshisi.
Belgili bolǵandaı, Otyrar aýdany, Maıaqum aýylynyń elý jastaǵy turǵyny kene shaǵyp aýyrǵan. Alaıda sýyq tıip qaldy eken dep oılaǵan ol em qabyldaı bergen. Jaǵdaıy ońalmaǵan soń aýyldaǵy dárigerlerge qaralǵan. Aýyldyq emhananyń feldsheri ony aýdan ortalyǵyna kórinýge jiberedi. Alaıda naýqas áıel aýdan ortalyǵyna emes, tike Shymkentke kelip qaralǵan. Sóıtip qalalyq juqpaly aýrýlar aýrýhanasynda qaıtys bolǵan.
Al, 13 jastaǵy bala Báıdibek aýdanynda qaıtys boldy. Ol aýladaǵy ıttiń qulaǵyna jabysqan keneni qolymen tazalaǵan kórinedi. Іzinshe, ystyǵy kóterilip, densaýlyǵy kúrt nasharlaǵan. Dárigerler em-dom jasaǵanymen, derttiń betin qaıtara almapty. Sonyń saldarynan naýqas esin jımastan kóz jumǵan. Qazir, marqummen baılanysta bolǵan 23 adam dárigerlerdiń qatań baqylaýyna alynǵan. Eki aýdanda da tekserý sharalary júrgizilýde.
