OQO-da qylmysker óltirgen áıelin órtep jibermek bolǵan
ASTANA. QazAqparat - OQO-da kúdikti úsh balasynyń anasy, óz áıeli Nurıpa Qurbanovanyń denesin órteýge tyrysqan, dep habarlaıdy TVK telearnasy.
Oqıǵa ornynan alynǵan naqty aqparat boıynsha, iz-tússiz joǵalǵan Nurıpa Qurbanovanyń denesi Keles ózeniniń jaǵasynan tabylǵan. Onyń 26 jastaǵy kúıeýi polıtsııaǵa áıeliniń denesin qaıda tastaǵanyn kórsetti. TVK aqparaty boıynsha, kúdikti deneni órteýge tyrysqan. Ózen jaǵasynan dene qaldyqtary, eki uıaly telefon men altyn áshekeıler tabylǵan.
OQO ІІD qyzmetkerleri óli dene tabylǵan jerdi qorshady. Sot-qylmystyq saraptama jáne qaldyqtarmen naqty sáıkestendirý jumystary júrgiziledi.
