OQO-da kúıik jaraqattarymen eki er adam men áıel aýrýhanaǵa jetkizildi - QR TJM
ASTANA. 17 sáýir. QazAqparat - OQO-da 3 adam kúıik jaraqattarymen aýrýhanaǵa jetkizildi, dep habarlandy QR TJM-niń baspasóz qyzmetinen.
Dúısenbi, 16 sáýirde Ońtústik Qazaqstan oblysy Maqtaaral aýdanynyń Arysty aýylynda turmystyq ballonnan (50 keli) gazdyń shyǵýynan gaz-áýe qospasynyń jarylysy boldy. Nátıjesinde 29 jastaǵy er adam men 22 jastaǵy áıel kúıik belgilerimen aýrýhanaǵa jetkizildi.
Sol kúni Ońtústik Qazaqstan oblysy Tólebı aýdanynyń Keregetas aýylynda jekemenshik turǵyn úıdiń shatyry órtendi. Jalyn sharpyǵan aýmaq 120 sharshy metrdi qurady. Nátıjesinde 34 jastaǵy er adam jaraqattarymen aýrýhanaǵa jetkizildi. Tótenshe jaǵdaıdy joıýǵa QR TJM Ońtústik Qazaqstan oblysy boıynsha TJD órtke qarsy qyzmetiniń 8 adamy men 2 tehnıkasy jumyldyryldy.
