OQO-da qutqarýshylar ózenge batqan jigittiń máıitin besinshi ret izdeýge bardy
ShYMKENT. QazAqparat - Ońtústik Qazaqstan oblysynda qutqarýshylar Syrdarııa ózenine batqan jigittiń máıitin besinshi ret izdeýge kiristi. Kúni búginge deıin 30 qutqarýshy 12 tehnıkamen ózen jaǵalaýynda izdeý jumystaryn júrgizgen, dep habarlaıdy QazAqparat HAA tilshisi.
Eske salaıyq, Otyrar aýdany, Kóksaraı aýylynyń 23 jastaǵy turǵyny shildeniń 21-i kúni shomylyp jatyp, sýǵa batyp ketken bolatyn. Sodan beri óńirdiń tótenshe jaǵdaılar departamentiniń qyzmetkerleri máıitti izdestirý sharalaryn júrgizip keledi. Súńgýirlerdiń buǵan deıingi áreketi nátıjesiz bolǵan. 344 saǵat boıy sýǵa túsken qutqarý jasaǵy osylaısha marqumnyń denesin besinshi ret izdeýge kirisip otyr. Olarǵa aýdannyń ishki ister qyzmetkerleri men aýyl turǵyndary, sondaı-aq marqumnyń týystary qolǵabys etýde.
Aıta keteıik, jyl basynan beri óńirde 31 adam sýǵa batqan. Onyń 17-si kámelet jasyna tolmaǵan balalar bolyp otyr.
