OQO-da kóshi-qon zańnamasyn buzǵan myńnan astam kelimsek anyqtaldy
ShYMKENT. QazAqparat - Ońtústik Qazaqstan oblystyq Kóshi-qon polıtsııasy basqarmasynyń qyzmetkerleri oblys aýmaǵynda «Zańsyz kelýshi-2017» jedel-aldyn alý sharasyn ótkizdi.
Reıd kóshi-qon zańdylyǵyn buzýshylar men óńirge jasyryn joldarmen kelýshilerdi anyqtaý maqsatynda uıymdastyryldy, dep habarlaıdy QazAqparat HAA tilshisi.
Úsh kún ishinde tártip saqshylary osyndaı zańbuzýshylyq áreketterge jol bergen 1045 adamdy ákimshilik jaýapqa tartyp, 524 tulǵaǵa eskertý berildi. 174 adam ákimshilik aıyppul tólese, 276 sheteldik ákimshilik qamaýǵa alyndy. Sot sheshimimen 80 kelimsek elden alastatyldy. Budan ózge 380 sheteldik azamattyń Qazaqstanda bolý merzimi qysqartyldy. Al qujatsyz júrgen 122 adam ýaqytsha ustaý abaqtysyna jabyldy.
Kóshi-qon polıtsııasy sondaı-aq tıisti zańnamany buzǵany úshin jergilikti 61 azamatty jáne mıgranttardy zańsyz jumysqa qabyldaǵan 41 adamdy ákimshilik jaýapkershilikke tartqan.
Jalpy, «Zańsyz kelýshi-2017» jedel-aldyn alý sharasynyń nátıjesinde 25 qylmystyq is qozǵalyp, izdeýde júrgen 1 qylmysker ustaldy. 
