OQO-da kóshedegi áıeldi zorlyqshydan qutqaryp qalǵan jas jigit marapattaldy

ShYMKENT. QazAqparat - Ońtústik Qazaqstan oblysynda polıtseıler kóshedegi áıeldi zorlyqshydan qutqaryp qalǵan jas jigitti marapattady. 18 jastaǵy Aıbat Maýtanbekov Saıram aýdanynda qylmys jasaǵan kúdiktini ustap bergen bolatyn, dep habarlaıdy QazAqparat HAA tilshisi. 

Aıbat Maýtanbekov 8 qyrkúıekte Aqsý aýlynyń kósheleriniń birinde ketip bara jatyp,  áıeldi zormaqqa árekettengen erkekti kórip qalady. Ol qoryqpastan qylmyskerdi ustap alyp, polıtsııaǵa alyp barǵan. Tártip saqshylary seziktiniń taǵy tonaý qylmysyna qatysy bar ekenin anyqtaǵan.

Qazir zorlyqshy qamaýǵa alynyp, onyń ústinen Qylmystyq kodekstiń eki birdeı babymen («Zorlaý» men «Tonaý») boıynsha is qozǵaldy. Sotqa deıingi tergeý amaldary júrgizilýde. 

 

Óz kezeginde erjúrektik tanytyp, qylmyskerdi ustap bergeni úshin Saıram aýdandyq ІІB bastyǵynyń orynbasary Baýyrjan Janaev Aıbat Maýtanbekovke saltanatty túrde alǵys hat tabystap, baǵaly syı-sııapat jasady.

Quttyqtaý sharasy barysynda sondaı-aq birneshe buzaqylyq jasaǵan qylmyskerlerdi ustaǵan ýchaskelik ınpektorlar men jol patrýldik polıtsııa qyzmetkerleri de marapattaldy.