OQO-da qos birdeı polıtsııa qosyny ashyldy
ASTANA. QazAqparat - «Qazaqstan polıtsııasynyń 25 jyldyǵy» merekesi kúni Ońtústik Qazaqstan oblysy Saıram aýdanynda qos birdeı polıtsııa qosyny ashyldy. Jańadan paıdalanýǵa berilgen polıtsııa ýchaskeleri qyzmetkerleri Aqsýkent pen Qarabulaq aýyly turǵyndaryna qyzmet kórsetetin bolady, dep habaraıdy QazAqparat.
Ǵımarattar qajetti qural-jabdyqtarmen jabdyqtalǵan ári ǵalamtorǵa qosylǵan. Onda ornatylǵan baqylaý kameralary ýchaskelik ınspektorlardyń jumysyn qadaǵalap otyrýǵa múmkindik beredi.
«Jańadan ashylǵan ýchaskelik polıtsııa pýnktteri bizdiń qyzmetkerlerge kóp múmkindik beredi. Sebebi, atalǵan eldi mekenderde jıi qylmys bolady. Ony der kezinde ashý kerek. Endi osy aýmaqtan tez arada jetýge bolady. Qylmystyń aldyn alady, profılaktıkalyq esepte turatyn azamattarmen jumys isteýge óte qolaıly bolmaq», - deıdi Saıram aýdandyq ishki ister basqarmasynyń bastyǵy Ermahan Ábdiramanov
Sondaı-aq, bul kúni aýdandyq ishki ister basqarmasynda turǵyndar úshin ashyq esik kúni ótip, sporttyq saıystar uıymdastyryldy. Merekelik medalmen qatardaǵy 48 qyzmetshi marapattalyp, olardy ishki ister organynyń ardageri Moldııar Orazalıev quttyqtady.
