OQO-da qoryqshylar brakonerlikpen aınalysqan
ShYMKENT. QazAqparat - Ońtústik Qazaqstan oblysynyń Kentaý qalasynda zańsyz ań aýlaǵan brakonerler ustaldy. Tekserý barysynda olardyń jabaıy ańdar men kekilik qusyn atyp alǵany anyqtaldy, dep habarlaıdy QazAqparat tilshisi.
Kentaý qalalyq ishki ister basqarmasynyń qyzmetkerleri «Gaz» júk avtokóligin toqtatqan. Ondaǵy úsh adamdy brakonerlikke qatysy bar degen kúdikpen ustady. Olar memlekettik tabıǵı qoryǵy mekemesinde jumys isteıtin bolyp shyqty. Avtokólikti tintý barysynda 4 qapta óli jabaıy ańdar men 6 kekilik qusy, ańshy myltyǵy men oq-dáriler, ratsııa men basqa da ań aýlaýǵa qajetti zattardy tárkilendi. Tártip saqshylar kúdiktilerdi Kentaı qalasynyń ІІB-ne jetkizdi.
Qazirgi tańda polıtseıler atalǵan jaıt boıynsha Qylmystyq kodekstiń 337-baby 1-tarmaǵy «Zańsyz ań aýlaý» boıynsha is qozǵap, sotqa deıingi tergeý amaldary júrgizilýde. Birqatar saraptamalar taǵaıyndaldy.
