OQO-da qorǵasyn kontsentratyn óndiretin zaýyt salynady
Mundaı kelisimge túrik bıznes-qurylymdarynyń jetekshileri bastaǵan delegatsııanyń Astana qalasyna jasaǵan jumys sapary kezinde qol jetkizilip otyr.
Qazaqstanǵa jasaǵan sapary kezinde elordamyz - Astanada «Ońtústik» ındýstrıaldy aımaqtardyń basqarýshy kompanııasy men túrkııalyq bıznesmender arasynda quny 12 mln AQSh dollaryn quraıtyn ınvestıtsııalyq eki qujatqa qol qoıyldy.
Elimizdiń ońtústiginde ornalasqan qazaq-túrik ındýstrıaldy aımaǵynda osy jyly iske asyrylatyn jobanyń biri - qorǵasyn kontsentratyn óndiretin túrkııalyq Merkez Asia Madencilik kompanııasynyń zaýyty (quny 2 mln AQSh dollary) bolsa, ekinshisi - quny 10 mln AQSh dollary bolatyn Petronet Otomosyon kompanııasynyń janar-jaǵarmaı taratý kolonkalaryn shyǵaratyn zaýyty.
Búginde aýmaǵy 50 gektardy alyp jatqan «Qazaq-túrik» ındýstrıaldy aımaǵynda jalpy quny 37,5 mln AQSh dollaryn quraıtyn 8 joba júzege asyrylýda. Atalǵan jobalar iske qosylǵanda jańa 900 jumys orny qurylady dep josparlanýda.
Aıta keteıik, jyl sońyna deıin atalǵan ındýstıaldy aımaqta «Gold Aluminum» JShS-niń PVH profılderi men PVH jáne alıýmınııden jasalǵan móldir konstrýktsııalardy óndiretin shaǵyn tsehy iske qosylady.
Eske salsaq, 9 qyrkúıek kúni Qazaqstan Respýblıkasynyń Premer-Mınıstri Baqytjan Saǵyntaevtyń Túrkııanyń bıznes qurylymdarynyń ókilderimen kezdesýi ótken bolatyn.