OQO-da kooperatıvter et jáne sút qabyldaý beketterin asha bastady
ASTANA. QazAqparat - Ońtústik Qazaqstan oblysy Saıram aýdany Qarabulaq aýylynda et jáne sút qabyldaý beketteri ashyldy. Atap aıtqanda, «AgroNurInvest» aýylsharýashylyǵy óndiristik kooperatıvi mal bordaqylaý men soıý beketterin iske qosyp, jumysty jańa baǵytta iske asyrýǵa kiristi, dep habarlaıdy ákimniń baspasóz qyzmeti.
Atalǵan pýnkt 40 myńnan asa halqy bar Qarabulaq aýyldyq okrýginde ornalasqan. Sýbsıdııalandyrý boıynsha memleketten qoldaý alǵan bul jobanyń quny 9 mln teńgeni quraıdy. Bıylǵy jyldyń 22 aqpanynda qurylǵan qooperatıvte búginde 130 múshe bar. Qazirgi tańda bordaqylaýdaǵy mal basy 6130 basqa jetken. Árbir jeke sharýanyń orta eseppen bir aılyq tabysy 170 myń teńgege para-par.
Budan bólek, dál osy aýyldan «Qarabulaq sút» aýyl sharýashylyǵy kooperatıvi jalpy quny 48 mln teńgeni quraıtyn 4 sút qabyldaý beketin iske qosyp otyr. Kooperatıv búginde sıyr basyn 800-ge jetkizipti. «Aýyl sharýashylyǵyn qarjylaı qoldaý qorynan» qarjy alǵan kooperatıvtegi árbir januıanyń ortasha bir aılyq tabysy 178,5 myń teńgeni quraıdy.
