OQO-da kómir jetkizýshiler baǵany aldyn ala kelisip alýy múmkin degen kúdik týyp otyr
ASTANA. QazAqparat - Ońtústik Qazaqstan oblysynda 13 kómir jetkizýshige qatysty baǵany aldyn ala kelisip aldy degen kúdikpen tergeý jumystary bastaldy, dep habarlaıdy «QazAqparat» HAA QR Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń saıtyna silteme jasap.
«Komıtettiń Ońtústik Qazaqstan oblysy boıynsha departamenti oblystaǵy kómirdiń kóterme jáne bólshek saýdasymen aınalysatyn 13 naryq sýbektisine qatysty Qazaqstan Respýblıkasynyń Kásipkerlik kodeksiniń 169-babynyń 1-tarmaǵynyń 1)-tarmaqshasymen (baǵalardy (tarıfterdi), jeńildetýlerdi, ústeme aqylardy (qosymsha aqylardy) jáne (nemese) ústeme baǵalardy belgileýge nemese ustap turýǵa) básekelestikke qarsy kelisimder belgileri boıynsha tergeý bastalǵan», - delingen habarlamada.
Qazirgi tańda departament tarapynan tergeýge qatysty alynǵan qujattar boıynsha jan-jaqty tekserý jumystary júrgizilýde.
