OQO-da qolǵa alynǵan jobaǵa óner juldyzdary qoldaý kórsetti

ShYMKENT. QazAqparat - Ońtústik Qazaqstan oblysynda júzege asyrylǵan «Otbasyndaǵy zorlyq-zombylyqsyz Qazaqstan» jobasy óz máresine jetti. Bas prokýratýranyń bastamasymen uıymdastyrylǵan aktsııanyń qorytyndysy sazdy kontsertpen qortyndylandy. Sharaǵa Qazaqstan estradasynyń tanymal ánshileri qoldaý kórsetti, dep habarlaıdy «QazAqparat HAA tilshisi.

Elimizdiń Bas prokýratýrasy bastamasymen qolǵa alynǵan joba aldymen ońtústik óńirde júzege asyrylǵan bolatyn. Astanadan kelgen arnaıy top músheleri eki aı boıy aýyz toltyryp aıtarlyqtaı sharýalar atqardy. Túsinikteme jumystary júrgizildi.
 

Óńirde turmystyq zombylyqtan japa shekkenderge qoldaý kórsetetin úsh ortalyq ashyldy. Prokýrorlar eldi mekenderdi aralap, jıyndar ótkizdi. Halyqpen júzdesip, bılikpen kelissózder júrgizdi. Nátıjesinde oblysta osy salaǵa jaýapty jańa departament ashylǵaly tur.
  

Al, aktsııa sońy Qazaqstan estrada juldyzdarynyń qatysýymen ótken gala kontsertke ulasty. Onda óner juldyzdary turmysta qıyndyq kórgen jandardyń kóńilin kóterip, olardy jubatpaqqa umtyldy. Roza Rymbaeva, Sáken Maıǵazıev, Altynaı Jorabaeva jáne taǵy basqa da tanymal ánshiler patrıottyq ánder shyrqap, kóptiń kóńilin shalqytty. Rýhanı qundylyqtardy óleńmen júrekterge jetkizdi. Aktsııa aıasynda jurtshylyqty izgilikke shaqyrdy.