OQO-da Qoǵamdyq kelisim keńesi kóshpeli qabyldaý ótkizdi
ShYMKENT. QazAqparat - Ońtústik Qazaqstan oblystyq Qazaqstan halqy Assambleıasy janyndaǵy Qoǵamdyq kelisim keńesiniń músheleri 300 myńnan astam turǵyny bar ári halqy tyǵyz qonystanǵan Maqtaral aýdanynda boldy. Myrzashól, Dostyq, Órkendi eldimekenderinde azamattardy qabyldady, dep habarlaıdy QazAqparat tilshisi.
Kóshpeli qabyldaýǵa jınalǵan jergilikti turǵyndar aýyl-aımaqtaǵy birqatar ózekti máselelerdi keńes músheleriniń nazaryna jetkizdi. Eldi mekenderge feldsherlik-akýsherlik pýnkt pen mektep salý jáne aýyldarǵa tabıǵı gaz tartý, Myrzashóldegi mádenıet úıin kúrdeli jóndeý, aýyl sharýashylyǵyn qoldaý syndy jaıttar qabyldaýda ashyq aıtyldy. Óz kezeginde oblystyq qoǵamdyq kelisim keńesiniń músheleri men aýdan ákimdiginiń jaýapty qyzmetkerleri aýyl halqynyń talap-tilekterin tyńǵylyqty tyńdap, qoıylǵan saýaldarǵa jaýap berdi. Birqatar túıtkildi máselelerdi túrtip aldy.
Kóshpeli qabyldaýda OQO QHA tóraǵasynyń orynbasary Muratáli Qalmuratov assambleıa janynan qurylǵan Qoǵamdyq kelisim keńesteriniń negizgi maqsattarynyń biri - jergilikti jerlerdegi áleýmettik máselelerdiń sheshilýine yqpal etip, qoǵamdy tolǵandyrǵan ózekti problemalardy jergilikti bılikpen birlese retteý ekenin jetkizdi. Osyndaı kóshpeli qabyldaýlardyń jyl sońyna deıin óńirdegi 3 aýdannyń aýyl-aımaqtarynda jalǵasatynyn atap ótti. Sondaı-aq, kóterilgen máseleler oblys basshylyǵynyń nazaryna usynylatynyn aıryqsha aıtty.
