OQO-da kıeli jerlerdiń tizimi jasalyp jatyr
ShYMKENT. QazAqparat - Ońtústik Qazaqstan oblystyq tarıhı-ólketaný murajaıynda «Qazaqstannyń kıeli jerleriniń geografııasy» jobasy boıynsha «Qasıetti Qazaqstan» ortalyǵynyń dırektory Berik Ábdiǵanıulymen kezdesý ótti.
Basqosýda Elbasynyń «Bolashaqqa baǵdar: rýhanı janǵyrý» maqalasyndaǵy kózdelgen maqsattardy júzege asyrý barysy talqylandy, dep habarlaıdy QazAqparat HAA tilshisi.
Sharaǵa oblystyq mádenıet basqarmasynyń basshylyǵy men tarıhı-ólketaný jumystarymen aınalysyp júrgen ǵalymdar, sondaı-aq jazýshylar men ólketanýshylar qatysty. Kezdesýde adam kóp shoǵyrlanatyn kıeli mekender jaıyn anyqtaý, nasıhattaý, tereń zertteý məseleleri sóz boldy.
Aıta keteıik, buǵan deıin oblysta Elbasynyń «Bolashaqqa baǵdar: rýhanı jańǵyrý» maqalasyndaǵy jergilikti atqarýshy organdarǵa tapsyrylǵan mindetterdi júzege asyrý boıynsha óńirlik komıssııa qurylyp, olardyń janynan jumysshy toptary jasaqtalǵan bolatyn. Atalǵan joba aıasynda óńirdegi qasıetti, kıeli jerlerdiń tizimi anyqtalyp, olardyń óńirlik kartasy daıyndaldy.
Qazirgi tańda kúngeıde tarıhı-mádenı mańyzy bar 1281 eskertkish esepke alynǵan.
ıÝNESKO-nyń Dúnıejúzilik mura tizimine 2003 jyly Túrkistan qalasyndaǵy «Qoja Ahmet ıAssaýı kesenesi» sáýlettik eskertkishi engizilgen. Osy tizimge engizýge usynylǵan taǵy 23 eskertkishtiń ishinen Ońtústik Qazaqstan oblysy boıynsha 8 eskertkish kirdi. Olar: Jýantóbe, Qaraspantóbe, Kúltóbe, Sıdaq, Saýran ejelgi eldi mekenderi, Bórijar qorymy, Otyrar oazısiniń eskertkishteri, Túrkistan qalashyǵy.
