OQO-da kıeli oryndardyń tizimi jasaqtalyp jatyr

ShYMKENT. QazAqparat - Ońtústik Qazaqstan oblysynda kıeli oryndardyń tizimi jasaqtalyp jatyr. Olardyń ishinen respýblıkalyq mańyzy bar jáne jergilikti deńgeıdegi sakraldy oryndardy iriktelinip alynýda, dep habarlaıdy «QazAqparat HAA tilshisi.

Prezıdent N.Á.Nazarbaevtyń «Bolashaqqa baǵdar: rýhanı jańǵyrý» maqalasy negizinde óńirde tarıhshy ǵalymdar men ólketanýshylar jáne mádenıet salasy mamandarynan turatyn arnaıy jumys toby qurylǵan bolatyn. Atalǵan komıssııa óńirdegi qasıetti, kıeli oryndardy anyqtaý ústinde. Ol jerler sáýlettik-arhelogııalyq eskertkishter, zııarat (ǵıbadat) etý oryndary sanalatyn dinı nysandar, tarıhı tulǵalar jáne saıası oqıǵalarmen baılanysty kıeli oryndar, tabıǵı-landshaftty nysandar dep bólinip, qaralýda. Nátıjesinde anyqtalǵan 38 qasıetti, kıeli oryn respýblıkalyq mańyzy bar tizimge engizilmekshi. Al, jergilikti deńgeıdegi kıeli oryn retinde 66 nysan anyqtalyp otyr. Endi ońtústiktegi sakraldy oryndardyń naqty tizimi respýblıkalyq arnaıy komıssııa qorytyndysy negizinde bekitiletin bolady.

Aıta keter jaıt, komıssııa músheleri kıeli oryndardy anyqtaýda jergilikti halyqtyń da pikirin bilgisi keledi. Osy rette turǵyndar óz pkiri-usynystaryn jobalyq keńseniń elektrondyq poshtasyna ([e-mail]) joldaýlaryna nemese [phone] telefonyna habarlasýlaryna bolady.