OQO-da «Qazaqstannyń úzdik taýary» baıqaýynyń jeńimpazdary anyqtaldy
ShYMKENT. QazAqparat - Ońtústik Qazaqstan oblysynda «Qazaqstannyń úzdik taýary» baıqaýynyń jeńimpazdary anyqtaldy, dep habarlaıdy QazAqparat HAA tilshisi.
Shymkentte ótip jatqan «ONTUSTIK ónimderi-2017» kórme-jármeńkesi aıasynda taýar óndirýshiler «Halyqtyń tańdaýy», «Jyl serpini», «Jyl brendi», «Áleýmettik mańyzdy startap» atty nomınatsııalarmen marapattalyp, baǵaly syılyqtar aldy. Jeńimpazdardy elimizdiń Din isteri jáne azamattyq qoǵam mınıstri Nurlan Ermekbaev pen Ońtústik Qazaqstan oblysynyń ákimi Janseıit Túımebaevtar quttyqtady. Baıqaý qortyndysy boıynsha jeńimpazdar Astanada ótetin respýblıkalyq «Qazaqstannyń úzdik taýary» kórme-konkýrsyna qatysýǵa joldama aldy. 
Aıta keteıik, jergilikti taýar óndirýshilerdi 3 atalym - «Halyq úshin úzdik taýar», «Óndiristik baǵyttaǵy úzdik taýar» jáne «Úzdik azyq-túliktik taýar» nomınatsııalary boıynsha anyqtaǵan bolatyn. Konkýrsqa qatysýshylardy baqylaý kezinde aldymen taýardyń sapasy men básekege qabilettiligi eskerildi.
Aıta keteıik, keshe bastalǵan kúngeılik taýar óndirýshilerdiń kórmesine tamaq, farmatsevtıka, mashına jasaý, hımııa, qurylys salasyna qatysty 200-den astam taýar óndirýshi qatysyp jatyr.
