OQO-da Qazaqstan polıtsııasynyń 25 jyldyq merekesinde polıtseılerdiń sherýi boldy
ShYMKENT. QazAqparat - Ońtústik Qazaqstan oblysynda Qazaqstan polıtsııasynyń 25 jyldyǵyna arnalǵan saltanatty jıyn bolyp ótti. Saltanatty sharada úzdik tártip saqshylary marapattalyp, tósbelgi taqty, dep habarlaıdy QazAqparat HAA tilshisi.
Qazaqstan polıtsııasy kúnine oraı ótkizilgen saltanatty is-shara Dańq memorıalyna gúl shoqtaryn qoıýmen bastaý aldy. Qyzmettik boryshyn óteý kezinde qaza bolǵan jerlesterdi únsizdikpen eske aldy. Qyzmet babynda qaza bolǵan polıtseılerdiń týystary men jesirlerine gúlder men estelik syılyqtar usynyldy. Oblys ákiminiń orynbasary Darhan Satybaldy tártip saqshylaryn tól merekesimen quttyqtap, polıtseılerge gramotalar men alǵys hattar tabystady. Odan soń departament bastyǵy Janat Súleımenov elimizdiń Іshki ister mınıstrliginiń atynan polıtsııa ardagerlerine qurmet gramotalaryn berdi. Sondaı-aq, departament atynan «Qazaqstan polıtsııasyna - 25 jyl» merekelik medalin oblys ákiminiń orynbasaryna, máslıhat depýtaty men buqaralyq aqparat quraldarynyń ókilderine tapsyrdy.
Tártip saqshylary shaqyrylǵan qonaqtarǵa arnaıy tehnıkalary men jaraqtaryn kórsetip, Dańq memorıaly aldynda saptyq sherý uıymdastyrdy. Ońtústikqazaqstandyq polıtsııanyń qurylýy men qazirgi kúnge deıingi jetken jetistigi jóninde derekti fılm kórsetildi.
Merekelik is-shara Qazaqstannyń estrada juldyzdary men talantty polıtseılerdiń qatysýymen ótken kontsertpen jalǵasty.
