OQO-da qaıyrymdylyq sharasy aıasynda 90 otbasyǵa tegin azyq-túlik taratyldy

ShYMKENT. QazAqparat - Maqtaral aýdanynda ótken «Áleýmettik qoldaý - áleýetti qoldaý» aktsııasynda turmysy tómen azamattarǵa kómek kórsetildi, dep habarlaıdy QazAqparat tilshisi.

Qaıyrymdylyq shara aıasynda 90 otbasyǵa tegin azyq-túlik taratyldy. 

Elbasynyń «Rýhanı jańǵyrý» baǵdarlamasy aıasynda uıymdastyrylǵan sharaǵa «Nur Otan» partııasynyń aýdandyq fılıaly men aýdandyq máslıhat depýtattary, jergilikti kásipkerler muryndyq boldy.

Sharada muqtaj jandardyń óz qajettilikterine qaraı buıymdar úlestirildi.  Aýdannyń keńpeıildi azamattary turmys taýqymetin tartqandardyń muńyn seıiltip, alǵysyn arqalady. 

Aktsııa sońynda kontserttik baǵdarlama usynylyp, dastarhan jaıyldy.  Qoǵamda oń kózqaras qalyptastyryp, yntymaqtastyqty arttyrǵan shara aldaǵy ýaqytta da óz jalǵasyn tabady deıdi uıymdastyrýshylar.