OQO-da qaıyn aǵasyn pyshaqtap óltirgen turǵyn 13 jylǵa sottaldy
ShYMKENT. QazAqparat - Ońtústik Qazaqstan oblysynda áıeliniń aǵasyn birneshe jerinen pyshaqtap óltirgen turǵyn sottaldy. Oblystyq Qylmystyq ister jónindegi mamandandyrylǵan aýdanaralyq soty aıyptalýshyny 13 jylǵa bas bostandyǵynan aıyrdy, dep habarlaıdy QazAqparat tilshisi.
Sot úkimimen tanystyrý barysynda sýdıa Dáýren Madalıev aıyptalýshynyń qalaı qylmys jasaǵanyn aıtyp ótti. Belgili bolǵandaı, Borıs Kohakıdze eki jyl buryn Qylmystyq kodekstiń 242-baby «Bank operatsııalary týraly kórineý jalǵan málimetter usyný» boıynsha eki jylǵa sottalǵan. Jazasyn ótep shyqqan soń taǵy bir qylmysqa boı aldyrdy. ıAǵnı, osy jyldyń tamyz aıynda qaıyn aǵasynyń birneshe jerine pyshaq suǵyp alǵan. Artynsha polıtsııaǵa jalǵan málimet berip, týysyn belgisiz bireý óltirip ketkeni týraly habar jetkizgen. Alaıda onyń telefonyn tyńdaý barysynda qylmysty ózi jasaǵany dáleldenipti.
«Sot aıyptalýshyny Qylmystyq kodekstiń 99-baby 1-bóligi jáne 188-baby 1-2-bóligimen kináli dep taýyp, túpkilikti 13 jyl alty aıǵa bas bostandyǵynan aıyrý týraly úkim shyǵardy. Jazasyn asa qatań qaýipsizdik jaǵdaıyndaǵy túrmede ótkizetin bolady», - dedi sýdıa Dáýren Madalıev.
