OQO-da «Qaýipsiz jol aptalyǵy» atty respýblıkalyq aktsııa bastaldy
ShYMKENT. QazAqparat - Ońtústik Qazaqstan oblysynda «Qaýipsiz jol aptalyǵy» atty respýblıkalyq aktsııa bastaldy. Óńirdiń Jergilikti polıtsııa qyzmetkerleri 13-19 qarasha aralyǵynda uıymdastyrǵan sharaǵa oblystyq bilim berý basqarmasy men ınstıtýttar, azamattyq uıymdar men basqa da memlekettik organdar qatysýda, dep habarlaıdy QazAqparat tilshisi.
Jol-kólik jaraqattaryn azaıtý men balalarǵa jol-erejelerin ýıretý maqsatynda uıymdastyrylǵan shara balalarmen bolatyn jol-kólik oqıǵalaryn azaıtýǵa baǵyttalyp otyr. Respýblıkalyq aktsııa aıasynda tártip saqshylary «Belgili bol», «Sizdiń jolaýshyńyz - bala», «Jol erejesin saqtaımyz jol kólik oqıǵasyn aldyn alamyz» sııaqty baıqaýlar ótkizbek. Sonymen qatar «Úzdik avtomektep», «Júrgizýshi, meniń ómirimdi saqta!» atty sharalar da uıymdastyrylmaqshy. Oǵan mektep oqýshylary men stýdentter qatysady dep josparlanǵan.
Máselen, ishki ister qyzmetkerleri 19 qarashada «Jol-kólik oqıǵasy saldarynan qaza tapqan dúnıejúzi qurbandaryn eske alý» aktsııasyna qatysyp, jol-kólik oqıǵasyna túsken adamdarǵa ózderiniń qanyn tapsyrady. Al, jergilikti polıtsııa qyzmetkerleri apta ishinde reıdtik is-sharalar ótkizip, balalardy avtokreslomen tasymaldaý jaǵyn tekseredi.
