OQO-da «Kaspıı banktiń» kúzetshisi qaraqshylarmen birge aqsha urlaǵan
ShYMKENT. QazAqparat - Túrkistanda bank ǵımaratynan 4 mln teńge urlaǵandar ustaldy. Kúdiktiler bul qylmysqa bir aıǵa jýyq daıyndalypty. Bul týraly qala prokýrory Rýslan Ábdiraıymov málimdedi, dep habarlaıdy QazAqparat tilshisi.
Belgili bolǵandaı, bankti tonaý qylmysy 8 qyrkúıekte jasaldy. Túngi ýaqytta Táýke xan kóshesiniń boıynda bank ǵımaratyndaǵy termınaldan belgisiz bireýler 4 mln teńgege jýyq qarjyny urlap, izin sýytqan bolatyn. Oqıǵa ornyna jetken polıtseıler osy fakti boıynsha QR QK-niń 188 «Urlyq» baby 4-bóligimen is qozǵaǵan bolatyn. Jedel izdestirý nátıjesimen osy qylmysqa qatysy bar degen eki kúdikti ustaldy.
«Onyń bireýi «Kaspıı bankte» kúzetshi bolyp istegen 1970 j.t. "M" esimdi turǵyn bolsa, ekinshisi 1988 j.t. "B" esimdi HQTÝ-de elektrık bolyp isteıtin kúdikti ekeni anyqtaldy. Kúzetshi jaýap berý barysynda urlanǵan qarjydan ózine bólip alǵan somanyń 2 mln teńgesin tergeý organyna óz erkimen qaıtarǵan. Kinásin moıyndap ókinetinin, buryn sotty bolmaǵanyn jáne densaýlyq jaǵdaıy eskerilip, qamaqqa alynbady. Al ekinshi kúdikti keltirgen shyǵyndy qaıtarmaǵany jáne qylmysty jasaǵandaǵy atqarǵan rólin eskere otyryp, qamaqqa alyndy», - deıdi qala prokýrory.
Aıta keteıik, eger kúdiktilerdiń qylmysy tolyǵymen dáleldense, olar atalǵan bappen 10 jylǵa deıin bas bostandyǵynan aıyrylý jáne múlikteri tárkilenýi múmkin.
