OQO-da «Qasiret» memorıalynyń janynda saıası qýǵyn-súrgin qurbandaryn eske aldy
ShYMKENT. QazAqparat - Ońtústikqazaqstandyqtar «Qasiret» memorıalynyń janynda saıası qýǵyn-súrgin qurbandaryn eske aldy, qaraly jıynǵa qýǵyn-súrgin qurbandarynyń týystary jınalyp, gúl shoqtaryn qoıdy.
«Meniń atam osy jerde atylǵan», - dedi Shymkent turǵyny N. Nurmetova. - Ol nebary 40 jasta edi».
1935-1938 jyldary 135 myń qazaqstandyq qýǵyn-súrgin qurbany boldy. olardyń 25-myńy atyldy. Stalın lagerlerine 5 mln adam jer aýdaryldy. Olardyń 7 myńy OQO turǵyndary, 2,5 myń adam halyq jaýy dep atyldy.
«Murajaıdyń mármár taqtasynda atam Mustafa Saǵyndyqovtyń esimi jazylǵan. Ol 1937 jyly atyldy. Atamnyń Shymkent mańynda atylǵanyn 1992 jyly bir-aq bildik. Jaýap alǵan hattamasyn kórsetti, jylda osy jerge kelemin», - dedi Z. Saǵyndyqova.
Oblys ákimi B. Atamqulov ta memorıalǵa gúl shoqtaryn qoıdy. Orys drama teatrynda «Tarıh tragedııasy» derekti fılmi kórsetildi. Saıası qýǵyn-súrgin kezindegi aýyr kúnder kóz aldymyzdan eles bergendeı boldy. ákimdik baspasóz qyzmetiniń derekterine sáıke OQO-ǵa 507 qarashaı, sheshen, 180 myń qyrym tatary, 110 myń polıaktar jer aýdarylyp keldi.
