OQO-da kásipkerlik nysandar endi jappaı tekserile bermeıdi

ShYMKENT. QazAqparat  - Bıyldan bastap elimizdegi kásipkerlik nysandardyń bári jappaı tekserile bermeıdi. Bul týraly tótenshe jaǵdaılar qyzmetkerleri Ońtústik Qazaqstan oblysyndaǵy isker azamattarmen kezdesý barysynda aıtty, dep habarlaıdy  QazAqparat tilshisi.

Kásipkerlerge ońtaıly jaǵdaı jasalatynyn túsindirgen departament qyzmetkerleri órt qaýipsizdigi salasyndaǵy memlekettik baqylaýǵa qatysty ózgerister oryn alǵanyn atap ótti. Máselen, ótken jyly óńirde kásipkerlik sýbektilerge taǵaıyndalǵan tekserister aldyńǵy jylmen salystyrǵanda 45 paıyzǵa tómendegen. Al, jańa talaptarǵa sáıkes endi jyl saıynǵy tekseris tek qaýip-qateri joǵary nysandarda ǵana júrgiziledi. Kishigirim ákimshilik ǵımarattar men saýda, qoǵamdyq tamaqtaný oryndaryna jyl saıynǵy tekserister múldem toqtatylady. Sonymen qatar, órt qaýipsizdigi salasyndaǵy tehnıkalyq reglamentter men qaǵıdalardyń qaıta ázirlenýi nátıjesinde 100-ge jýyq órt qaýipsizdigi talaptary da alynyp tastalynǵan. Kásipkerlik sýbektilerge qatysty tekserister sany osylaısha eki esege azaıdy,- deıdi óńirdiń tótenshe jaǵdaılar qyzmetkerleri.

«Buryn tekserý boıynsha  1070 talap bolatyn bolsa, soendi ol talaptar 150-ge deıin qysqartyldy, biriktirildi. Ekinshiden, tekserý paraqtary jeńildetildi. Іshinen kóptegen talaptar alynyp tastaldy. Negizgi talaptar qaldyryldy. Al, jalpylama talaptar alynyp tastaldy»,- deıdi OQO TJD Órt qaýipsizdigi salasynda baqylaý jáne profılaktıkalyq qyzmet basqarmasynyń bastyǵy Baqytjan Zaparov.