OQO-da kásipkerlerge bólingen qarjyny alýǵa kedergi nege kóp
Jıynǵa qatysqan oblystyq Kásipkerler palatasy mamandarynyń sózinshe, agroónerkásiptik baǵdarlamalardy damytý aıasynda nesıeleý boıynsha qarjy ınstıtýttary tarapynan kóptegen qıyndyqtar týyndaýda. Sońǵy ýaqytta óńirlik palataǵa isker azamattardan «Aýyl sharýashylyǵyn qarjylaı qoldaý qory» men «Mıkroqarjy uıymy» jáne «Yrys» qarjy uıymdarynyń qyzmetine qatysty aryz-shaǵymdar kóptep týsýde.
Máselen, atalǵan qarjylyq uıymdar kásipkerlerge kepildik múlikti saqtandyrýdy jáne baǵalaýdy tek ózderi belgilep bergen saqtandyrý jáne baǵalaý kompanııalarynda ǵana júrgizýge májbúrleıdi. Sharýalar shalǵaı aýdandarda turǵandaryna qaramastan múlikterin baǵalatý úshin oblys ortalyǵyna sabylýǵa májbúr. Máselen, Túrkistan qalasynda eki baǵalaýshy kompanııanyń bolýyna qaramastan, «Aýyl sharýashylyǵyn qarjylaı qoldaý qory» AQ jáne «Yrys» MQU» ókilderi kásipkerlerdi Shymkent qalasyndaǵy «Premıým Baǵalaý» jáne BION GROUP kompanııalarynda ǵana baǵalaý júrgizýge májbúr etedi. Ol azdaı kásipkerler mıkrokredıtteý týraly ótinishti qarastyrý aldynda úlken shyǵyndar jasaýlaryna týra keledi. Kepildikti baǵalaý men notarıaldy kýálandyrý úshin kóp qarajat jumsaǵanymen, tıisti komıssııa ol azamatqa qaryz berýden bas tartady. Sonymen birge, qujattardy daıyndaý kezinde biraz qarjylar jumsalǵanymen ol kásipker úshin qaıtarylmaıtyn shyǵyn bolyp tabylady.Qazir óńirde ondaǵan kásipkerler palatadan osy máselelerge aralasyp, oǵan qatysty durys sheshim qabyldanýyna qoldaý kórsetýin surap otyr.
«Keńes otyrysynyń nátıjesi boıynsha Kásipkerler palatasy tarapynan Oblystyq prokýratýraǵa, Oblystyq memlekettik kirister departamentiniń basshylyǵyna jáne aýyl sharýashylyǵyn qoldaý qorynyń basshylyǵyna tıisti usynystar engiziletin bolady. Naqty maqsatymyz - qoıyp jatqan kásipkerlerdiń quqyǵyn qorǵap, zańbuzýshylyqqa jol bermeý»,- deıdi Oblystyq kásipkerler palatasynyń bólim bastyǵy Sabıra Adambekova.