OQO-da kásipkerdiń balasyn urlaǵandar ustaldy - ІІM
ASTANA. 8 qarasha. QazAqparat /Rýslan Ǵabbasov/ - OQO-da kásipkerdiń balasyn urlaǵandar ustaldy. Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
Onyń sózine qaraǵanda, qarashanyń sońynda Ońtústik Qazaqstan oblysy Maqtaaral aýdanynyń polıtsııa bólimine Jetisaı qalasynyń kásipkeri 13 jasar ulyn belgisiz adamdardyń urlap ketkeni jaıynda aryzdanǵan. «Atap aıtqanda, olar kásipkerdiń balasyn qaıtarý úshin 50 myń AQSh dollaryn talap etken. Júrgizilgen arnaıy operatsııa barysynda krımınaldyq polıtsııa qyzmetkerleri 17-21 jas aralyǵyndaǵy 4 jergilikti turǵyndy quryqtady», - dedi Q. Jumanov.
Sonymen qatar atalǵan azamattar balany urlý úshin qarashanyń orta kezinde avtokólikti ıemdený maqsatynda Shymkenttiń 28 jastaǵy turǵynyn óltirý faktisine kúdikti bolyp otyr. Polıtsııa qyzmetkerleri avtokólik ıesiniń máıitin Saıram aýdanyndaǵy Aqjar aýylynyń mańynan tapqan kórinedi. «Ustalǵandardan 3 sholaq myltyq, gazdy tapansha, 4 mıllıon teńge tárkilendi»,-dedi ol.
Qylmyskerler ýaqytsha ustaý ızolıatoryna qamaýǵa alyndy.
