OQO-da kásipkerden 1 mln AQSh dollaryn bopsalaǵan kúdikti ustaldy
ShYMKENT. QazAqparat - Ońtústik Qazaqstan oblysynda kásipkerden bir mıllıon AQSh dollaryn bopsalaǵan kúdikti ustaldy. Ol Saıram aýdanynyń turǵynynan 9 mıllıon teńgeni qolma-qol alý barysynda qolǵa túsken, dep habarlaıdy «QazAqparat HAA tilshisi.
Belgili bolǵandaı, óńirdiń ІІD-niń Uıymdasqan qylmysqa qarsy kúres basqarmasyna Saıram aýdanynyń jergilikti turǵyny aryzdanǵan. Kásipker óz aryzynda kásibine tynyshtyq bermeı otyrǵan azamat, bir mıllıon AQSh dollaryn bopsalaǵanyn kórsetken. Jedel is-sharalar júrgizý barysynda basqarma qyzmetkerleri osy qylmysqa qatysy bar degen kúdiktini ustaǵan. Ol Saıram aýdanynda turatyn kásipkerden qomaqty aqsha alyp jatqan jerinde qolǵa tústi. Seziktiniń úıin qaraý barysynda 9 dana atys, jaraqat salatyn, pnevmatıkalyq qarýlardy jáne myńǵa jýyq ár túrli kalıbrli oq-dáriler tárkilendi.
Endi seziktiniń ústinen Qylmystyq kodekstiń eki babymen «Qorqytyp alý» jáne «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha is qozǵap, tergeý amaldaryn júrgizýde. Sot qaýlysymen ustalǵan sezikti 2 aıǵa ýaqytsha tergeý abaqtysyna qamaldy. Qazirgi tańda tártip saqshylary kúdiktiniń ózge de qylmystarǵa bar-joǵyn anyqtaýda.
