OQO-da qarýdy erikti túrde tapsyrǵandarǵa 18 mln teńge tólendi
ShYMKENT. QazAqparat - Ońtústik Qazaqstan oblysynda polıtseıler turǵyndardan qarýlaryn erikti túrde ótkizýine baǵyttalǵan jedel aldyn-alý sharalaryn ótkizdi, dep habarlaıdy QazAqparat tilshisi.
Aktsııa barysynda Іshki ister organdaryna 380 qarý-jaraq pen basqa da qarýlar tapsyrylǵan. Polıtseıler qarýdy erikti túrde tapsyrǵan azamattarǵa syıaqy retinde jalpy somasy 18 mıllıon teńgedeı qarjy tóledi. Bul respýblıka kóleminde eń joǵary kórsetkishterdiń biri. Odan bólek, Ákimshilik polıtsııa basqarmasy qyzmetkerleri qarý-jaraqtar men oq-dárilerdiń zańsyz aınalymyn anyqtaý jáne alyp tastaý maqsatynda úlken jumys júrgizýde. Máselen, «Qarý» jedel aldyn alý is-sharalary nátıjesinde polıtsııa qyzmetkerleri zańsyz aınalymnan 223 qarý-jaraq tárkiledi. Sońǵy qorytyndy boıynsha tártip saqshylaryna qylmystyń sanyn azaıtýǵa qol jetkizildi.
Aıta keteıik, zańsyz saqtalǵan atys qarýdy erikti túrde tapsyrǵan jaǵdaıda, azamattar ákimshilik jaýapkershilikke tartylmaıdy.
