OQO-da qarý asynyp júrip demalǵan polıtsııa qyzmetkerleri ózgelerdiń záresin aldy
ShYMKENT. QazAqparat - Ońtústik Qazaqstan oblysynda polıtseıler tabıǵat aıasyna demalýǵa qyzmettik kólikpen shyqqan. Jumys formasymen, ıyqtaryna qarý asynǵan polıtsııa qyzmetkerleri ózge demalýshylardyń záresin aldy, dep habarlaıdy QazAqparat HAA tilshisi.
Kúngeılik tártip saqshylarynyń ersi áreketin 9 shilde kúni Mashat taý shatqalyna týystarymen demalysqa shyqqan jergilikti jýrnalıst Anar Súleeva sýretke túsirip, ol týraly Feısbýktegi paraqshasyna jazdy.
«Qanshalyqty durys? Keshe úıdiń kishkeneleri qoımaǵan soń, Mashatqa baryp demalýdy jón sanadyq. Mynaý sol jerde kýá bolǵan kórinis. Forma kıgen polıtseıler qoldaryna azyq- túlik salynǵan paket pen avtomat asynyp, demalýshylardyń záre-qutyn qashyrdy. Ózderi rahattanyp demaldy. Oblystyq jergilikti polıtsııa qyzmeti men qalalyq jergilikti polıtsııa qyzmetiniń bastyǵy Danııar Meırhan myrza, qyzmetkerlerińiz demalýǵa barsa nege formasyz, qyzmettik kóliksiz barmaıdy? Bárinen soraqysy qoldaryndaǵy qarýy»,- dep jazady A. Súleeva.
Ázirge jergilikti ishki ister salasynyń basshylyǵy bul aqparatqa qatysty qandaı da bir pikir aıtqan joq. Sondyqtan qyzmettik kólikpen júrgender qaı ishki ister basqarmasyna qarastylyǵy anyqtalmady.
