OQO-da qaraýsyz qalǵan jerler memleketke qaıtarylady

ShYMKENT. QazAqparat - Ońtústik Qazaqstan oblysyndaǵy qaraýsyz qalǵan jerler memleketke qaıtarylady. Sebebi, sýarmaly jáne jaıylym jerler qur jatpaýy kerek. QR Jer kodeksine engizilip jatqan ózgeristerdi halyq arasynda túsindirip jatqan arnaıy komıssııa músheleri osy máselege toqtaldy, dep habarlaıdy QazAqparat tilshisi.

Maqtaral jurtshylyǵymen kezdesken komıssııa músheleriniń sózinshe agrarly aımaqtaǵy ár jer telimi maqsatty paıdalanylyp, tabys ákelýi tıis. Búginde jer reformasy boıynsha ár telim elektrondyq baza júıesine júktelgen. Bul bazada aýktsıonǵa, konkýrsqa jarııalanǵan barlyq jerdiń esebi kórsetilmek. Máselen, Maqtaral aýdany boıynsha 2017-2020 jyldar aralyǵynda turǵyndardy jer telimimen qamtamasyz etý úshin 372 gektar jer qajettiligi anyqtalyp otyr. 300 myńnan asa halqy bar aımaqta «úı salsam» dep, jerge kezekke turǵandar da kóp. 3300-den asady. Bıyl eldimeken shetinen ınfroqurylymy bar, bos jatqan jerler esebinen 66 jer ýchaskesi bólinip otyr. Al, úı salynbaı, ıgerýsiz turǵan jerler tekserýden ótip, qaıtarylatyn bolady. Sondaı-aq aýdanda aýyl sharýashylyǵy jerleriniń maqsatty paıdaǵa asyp jatqanyn qadaǵalanbaq. Ol úshin arnaıy komıssııa qurylyp, túgendeý jumystaryn bastaldy. Aldaǵy ýaqytta qaraýsyz qalǵan sýarmaly jerler de memleket menshigine ótkizilmek.