OQO-da qar basqan kúre jolda qalyp qoıǵan 5 adam qutqaryldy
ShYMKENT. 16 aqpan. QazAqparat - Ońtústik Qazaqstan oblysy boıynsha TJD-niń qyzmetkerleri Báıdibek aýdanynda qar basqan kúre joldan eki kólikpen 5 adamdy qutqardy, dep habarlady OQO boıynsha TJD-niń baspasóz hatshysy Arman Ásibekov.
«Adamdar Shaıan-Jambyl kúre jolynyń qar basqan ýchaskesinde turyp qalǵan. 15 mınýttyń ishinde olarǵa Báıdibek aýdany boıynsha tótenshe jaǵdaılar bóliminiń 4 qyzmetkeri jetip, tehnıkanyń kómegimen adamdardy qar qursaýynan qutqardy», - dedi baspasóz hatshysy.
Bul Báıdibek aýdanynda qysta bolyp turǵan birinshi oqıǵa emes.
Osyndaı jaǵdaıda jedel sharalardy qabyldaý úshin qaýipti joldarda kómek kórsetý qosyny men jylytý qosyny jumys isteıdi, olar baılanys qurylǵylarymen jáne qajetti tehnıkamen qamtamasyz etilgen.
