OQO-da qaptaǵan shirkeı jurtty ábigerge saldy
ShYMKENT. QazAqparat - Ońtústik Qazaqstan oblysynyń birqatar aýdandarynda shirkeıler qaptap ketti. Qanatty jándikter ásirese Syrdarııa ózeni men sý kózderine jaqyn ornalasqan Otyrar, Arys, Shardara, Ordabasy aýdandarynda qaptap ketken, dep habarlaıdy QazAqparat HAA tilshisi.
Otyrar aýdany turǵyndaryn shirkeı sońǵy birneshe jyldan beri álekke salyp keledi. Sońǵy jyldary zııankester erte kóktemde ushyp kelip, qara kúzge qujynap turyp alady. Saldarynan mundaǵy jurt aýlaǵa shyǵýdan qaldyq dep otyr.
«Shirkeıge bastapqyda mán bermep edik. Qazir bas aýyrtar basty máselege aınaldy. Óıtkeni úıden shyǵa almaımyz. Shirkeı ústimizge, betimizge qonyp, shaǵyp tastaıdy. Betimizdi tumshalanyp júretin boldyq. Sıyr saýsaq talap tastaıdy. Bárinen de balalarǵa obal boldy. Ne dalaǵa shyǵyp oınaı almaıdy», - deıdi Myńshuqyr aýylynyń turǵyny Aıgúl Kerimqulova.
Qazirgi tańda aýyl turǵyndary tory bar baskıim kıip júretin bolǵan. Onyń ózi qorǵaı almaıdy deıdi. Shaqqan jeri aldymen qyshıdy, keıin isip ketedi eken. Saldarynan dárigerge júginetinder qatary kóbeıipti. Al, aýdandaǵy jaýapty mamandar bolsa Syrdarııa ózeniniń jaǵasyndaǵy 9 eldi mekenge dári sebý jumystaryn júrgizgenin aıtady. Biraq odan nátıje bolmaı otyr eken.
«Qazir biz oblystan shirkeılerdi joıýdy surap otyrmyz. Óıtkeni olarmen ǵylymı turǵyda kúrespese bolmaı ketti. Bul maqsatta oblystan 7 mln. teńge bólinip, zertteý júrgizilmekshi», - deıdi Ryskeldi Álish.
