OQO-da kámeletke tolmaǵan 900-den astam qyz qursaq kótergen
ShYMKENT. QazAqparat - Ońtústik Qazaqstan oblysynda dárigerler kámeletke tolmaǵandar arasynda júktiliktiń artyp otyrǵanyna alańdaýly. Osyǵan oraı dabyl qaqqan mamandar oqý oryndaryn aralap, qyzdarǵa keńesterin berýde, dep habarlaıdy QazAqparat tilshisi.
Óńirdegi Salaýatty ómir saltyn qalyptastyrý ortalyǵy mamandarynyń sózinshe, sońǵy úsh aıda kámelet jasyna tolmaǵan 917 qyz júkti bolyp qalǵan. Onyń ústine, turmysqa shyqpaı jatyp qursaq kótergenderdiń 45 paıyzynyń bala týýǵa denaýlyǵy jaramsyz eken - qyzdardyń fızıologııalyq álsizdigi anyqtalǵan.
Osy problemaǵa alańdaǵan dárigerler stýdent qyzdarǵa erte júktiliktiń zııandylyǵyn túsindirýde. Máselen, alǵashqy júktilikte jasandy túsik jasatýdyń 95 paıyzy bedeýlikke alyp kelýi múmkin. Onyń ústine, qoǵamda sábıdi dalaǵa tastaý, túsik jasatý sııaqty keleńsiz oqıǵalar kóbeıip ketken. Gınekologtar qazir oqý oryndaryn aralap, osy syndy aqparattarmen bólisýde. Ortalyq mamandary erte júktiliktiń zardaptaryna qatysty aqparattyq keńesterin mektepter men kolledjderde jalǵastyrmaq.
